Қауіпсіз білім беру ортасын құру – №5 мектептің басымды бағыты

25 ақпанда Атбасар қаласындағы №5 жалпы орта білім беретін мектебінде педагогикалық ұжыммен балаларға қатысты зорлық-зомбылықтың алдын алу және оған ден қою мәселелері бойынша түсіндіру жұмысы жүргізілді.

Қызметкерлер Балалардың құқықтарын қорғау комитеті бекіткен Іс-қимыл алгоритмімен танысып, құқықтық негіздерді, зорлық-зомбылыққа мүлдем төзбеушілік қағидаттарын және құпиялылықты сақтау талаптарын талқылады. Зорлық-зомбылықтың түрлеріне, оларды анықтау белгілеріне және әрекет ету тәртібіне ерекше назар аударылды.
Әрбір қызметкер білім алушылардың қауіпсіздігін қамтамасыз ету және құқықтарын қорғау бойынша жеке жауапкершілік атқаратыны атап өтілді.
Селина Н.В.